ابوذيات تحفه

منــــــــو مثلي مها بالروح وبراك
اخذ جسمي بنحـول اعليك وراك
منهــــــوا الحاكمك يا ترف وبراك
وان ديتي عليك تصير هيه

عيونه كبل اشافـــــــــه شتمني
وعكلي الجان ثابـــــــت شتمني
انهجـــــــم بيتج يروحي شتمني
تمنيتي الذي يصعب عليه

وحق التعبده شيعـــــــــه وسنه
ذولـــــــــه الحرموا نومي وسنه
عليك اسيوف جردنـــــــه وسنه
علمك يلعبدت اشميت هيه

مر ولفي ايهبتني ومـــــره هبته
ومره اوصلت يمـــــــه مره هبته
طحت مقدر يصاحب مـــره هبته
اسد يخسه الاسد ملقاه اليه

احبج ما احـــــــــب غيرك بدالاج
شوقي مابدى الغيرج بس بدالاج
انا ويـــــــــــــــن القى يا بدالاج
ملاك ومن سما نازل عليه

يناهي جوز عـن هالطبع وتراك
ومثلك منوجـــــد بالعرب وتراك
خذك نار لــــــــو فانوس وتراك
وشعرك ليل والقصه ثريه

حبيبي او مهجتي اودنياي انته
ترى مالوم صعـب اهواي وانته
يصاحـب تاه مني القلب و انته
بس لو صادفك تلقاه اليه

اسنونك بيـض لون الوفا بيهن
او دواليبك وفـــــــــــــــر بيهن
لـــــون جنحان عندي فر بيهن
وحبك ابليل جد تطري عليه

حيره ابياسجيـــــه امتدح وصفى
انقى امن ذهب والماس وصفى
اعلى امن الوصف والمدح وصفى
ابكل خصله حرت وابكل سجيه

حبيبي دك بذر عانــــه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه

خمن وجدي لهيب الشوك ورباي
نديمي وعلى ادروبك اصد ورباي
ابن كلبي وضـــــوه للبيت ورباي
فرح شوفتك من تخطف عليه